معجون المشماش باسهل طريقة .متعوا اولادكم

تحياتي غالياتي وان شاء الله تكونو بخير ويوم سعيد ان شاء الله للجميع

دائما في اطار طرقي السهلة والبسيطة في عمل اشياء جميلة احم احم
هاكم وصفة معجون البرقوق كما نقول له عندنا والمشماش في مناطق اخري
رطل برقوق نضفيه واقسميه علي اثنين طبعا نحيلو النواة انتاعو
ضيفيلو 400سكر

حركيه وخليه علي الاقل 12ساعة
ها هو شكله بعد هدا الوقت تلقيه طلق الماء انتاعو

نحي حبات البرقوق وحطي الماء الي ساح منو علي النار تكون متوسطة

خليه يغلي حتي تشوفيه بدا يخثار ارمي حبات البرقوق وخليه علي نار هادئة شوية من 7الي 10دقائق طبعا عينك ميزانك
ارمي فيه عود قرفة وطفي النار

خليه يبرد ونحيه عود القوفة اللي راح يعطيك نكهة رائعة للمعجون لكن علي خفيف
وهاهو المعجون

نهار الصيف راه طويل والخيرات الحمد لله موجودة والبرقوق راه ب10الاف الكيلو متعو اولادكم
وكي جيك ضيف علي غفلة حطيه مع القهوة وشوية قاطو راح يزيد النص في المائدة انتاعك هدا راه مثل عندنا
كيما تفهمنا ادا عجبكم دعيوة خير حتي في قلوبكم تكفيني حبيباتي

» طريقة صنع الفرماج
» طريقة صنع باقة ورود
» طريقة سهلة لانجاز عملية الضرب
» طريقة تخزيني للفلفل الاحمر الحلو