حلوى اللحظة بدون طهي....ساهلة و بنينة
حلوى اللحظة بدون طهي....ساهلة و بنينة
حلوى اللحظة بدون طهي....ساهلة و بنينة
السلام عليكم
اليوم جبتلكم واحد الوصفة ملي دقتها و أنا نديرها كل عيد نمو ت عليها بنينا و تذوب في الفم
سامحوني ما عنديش الصور لأني ما دارتهاش حتى العيد إن شاء الله لكن لقيت صور في غوغل يشبهولها
المقادير
كيلة لحظة ( حليب غبرة) محمص
كيلة فرينة محمصة
ربع كيلة سكر ناعم ( غلاص) و لي تحبها حلوة تزيد شوية
زبدة ( أنا نستعمل مارغارين لابال)
تخلطي المواد الجافة
و تشمخي بالزبدة الذايبة حتى تتحصلي على قوام ما يكونش مشمخ بزاف يتفتت. يعني كي تزيريها في يدك تحكم روحها و كي تكسريها تتفتت
ديري كوريات
و ديريلهم غلاصاج تاع الشيكولة ولا شيكولة بيضاء و زينيهم كيما تحبي
أنا لقيت هاد الشكل في غوغل عجبني نديرو في العيد إن شاء الله
الأربعاء مايو 28, 2014 3:45 pm من طرف 